ოზურგეთის საკრებულოს დეპუტატმა “ერთიანი ნაციონალური მოძრაობიდან” წევრმა თათია ნიკოლაშვილმა პოლიციას განცხადებით მიმართა. აღნიშნულის მიზეზი გუშინ საკრებულოს სხდომაზე მომხდარი კონფლიქტი გახდა. სადაც უმრავლესობის და უმცირესობის დეპუტატები ერთმანეთს დაუპირისპირდნენ. თათია ნიკოლაშვილი “ქართული ოცნების” დეპუტატს ნინო ნადირაშვილს ფიზიკურ ძალადობაში ადანაშაულებს და მომხდარზე ობიექტურ გამოძიებას ითხოვს. შეგახსენებთ, გუშინ საკრებულოს სხდომაზე დეპუტატები ერთმანეთს სიტყვიერად და ფიზიკურად დაუპირისპირდნენ, ისმოდა მუქარის შემცველი განცხადებებიც. ხმაური და დაპირისპირება ოპოზიციონერი დეპუტატების მხრიდან მიხეილ სააკაშვილი მდგომარეობის ამსახველი ფოტოების ჩვენებას მოჰყვა. რის საპასუხოდაც “ქართული ოცნების” დეპუტატებმა წინა ხელისუფლების დროს დაპატიმრებული პირების ფოტოები წარმოადგინეს. სიტყვიერი დაპირისპირება ფიზიკურ შეხლა-შემოხლაში გადაიზარდა.
Loading ...
