ამერიკის პრეზიდენტმა, ჯო ბაიდენმა საზღვრის დასაცავად ახალ ზომები დააწესა, რომლის მიხედვითაც, ადამიანები, რომლებიც აშშ-მექსიკის საზღვარს უკანონოდ გადაკვეთენ, თავშესაფარს ვერ მიიღებენ.
არალეგალურად საზღვის კვეთის გამო დაკავებული მიგრანტები, ახალი ზომებით, შესაძლოა სწრაფად დაადეპორტონ ან დააბრუნონ მექსიკაში.
გამონაკლისები შეეხებათ ბავშვებს, რომლებიც თანმხლები პირების გარეშე იქნებიან, ადამიანებს, რომლებსაც ემუქრებათ სერიოზული სამედიცინო ან უსაფრთხოებასთან დაკავშირებული საფრთხეები და ტრეფიკინგის მსხვერპლებს.
ბაიდენმა, დემოკრატმა, გაამკაცრა მიდგომა საზღვრის უსაფრთხოების მიმართ, რადგან იმიგრაცია ამერიკელებისთვის მთავარ საკითხად იქცა 5 ნოემბრის არჩევნების წინ, სადაც ის რესპუბლიკელ დონალდ ტრამპს დაუპირისპირდება, რომელსაც იმიგრაციის საკითხზე მკაცრი პოზიცია აქვს და პირობას დებს, რომ ფართო სადამსჯელო ღონისძიებები გატარდება მისი ხელახლა არჩევის შემთხვევაში.
თეთრ სახლში გამართულ პრესკონფერენციაზე, ბაიდენმა თქვა, რომ თავშესაფარი ხელმისაწვდომი დარჩება იმ მიგრანტებისთვის, რომლებიც ლეგალურ გზებს იყენებენ ქვეყანაში დასარჩენად.
ეს ქმედება დაგვეხმარება მოვიპოვოთ კონტროლი ჩვენს საზღვრებზე და აღვადგინოთ წესრიგი პროცესში. ეს აკრძალვა დარჩება მანამ, სანამ არალეგალურად შესვლის მცდელობების რაოდენობა არ შემცირდება იმ დონემდე, რომლის ეფექტურად მართვას ჩვენი სისტემა შეძლებს”, – თქვა ბაიდენმა.
Loading ...
