,,თავისუფალი მიკროფონი” – საინფორმაციო შეხვედრა ჩოხატაურში

5 თებერვალს, ჩოხატაურის მუნიციპალიტეტის თანამედროვე სახვითი ხელოვნების გალერეაში, საინიციატივო ჯგუფ “ქალები ქალებისათვის” ორგანიზებით ჩატარდა შეხვედრა მუნიციპალიტეტის ახალგაზრდებთან, სტუდენტებთან, რომლებიც არიან დისტანციური სწავლების რეჟიმზე, უმაღლესი განათლების მქონე, სტატუს შეწყვეტილ სტუდენტებთან და 11-12 კლასის მოსწავლეებთან.  შეხვედრაზე მოწვეული იყვნენ ზრდასრულთა განათლების, საკრებულოს, ახალგაზრდა პედაგოგთა კავშირის და ახალგაზრდობის სააგენტოს წარმომადგენლები.

განიხილეს ახალგაზრდული პრობლემები, საჭიროებები, რის შედეგადაც მომავალში შეიქმნება ერთიანი ინფორმაციული ბაზა, სადაც კლასიფიცირდება დარგობრივი და პროფესიული საჭიროებები. შეხვედრის მთავარი მიზანი იყო შემოქმედებითი, ინტელექტუალური, კულტურული, საგანმანათლებლო, სპორტული, გასართობ/შემეცნებითი ღონისძიებების მოწყობა, პროფესიულ-კარიერული განვითარება, ახალგაზრდებისა და ჩოხატაურის მუნიციპალიტეტის სამომავლო განვითარების საჭიროებების კლასიფიკაცია, პრობლემების აღმოფხვრა და ახალგაზრდების გააქტიურება, მონაწილეობა/ ჩართულობის გაზრდა.

შეხვედრა  კოვიდ რეგულაციების სრული დაცვით ჩატარდა. შეხვედრის მონაწილეებს შესაძლებლობა ჰქონდათ არსებული პრობლემების შესახებ საკუთარი აზრი დაეფიქსირებინათ.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა თაკო ასიეშვილმა  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.