პრეზიდენტ ზურაბიშვილის შეფასებით, ყველაფერი უნდა გაკეთდეს იმისთვის, რომ მიხეილ სააკაშვილის ჯანმრთელობა უზრუნველყოფილი იყოს როგორც ეკადრება ყოფილ პრეზიდენტსა და ქვეყანას:
“ჩემი პოზიცია ამ საკითხზე არ ეხება შეწყალებას, ამაზე ვთქვი, რაც მქონდა სათქმელი. მე მიმაჩნია, რომ დღეს აუცილებელია ქვეყნისთვის, ქვეყნის რეპუტაციისთვის ყველაფერი იყოს გაკეთებული, რაც საჭიროა იმისთვის, რომ უზრუნველყოფილი იყოს მისი ჯანმრთელობის ის პირობები, რაც ეკადრება ყოფილ პრეზიდენტს, რაც ეკადრება ქვეყანას”- თქვა ზურაბიშვილმა.
რაც შეეხება საზღვარგარეთ გადაყვანის შესაძლებლობას, ზურაბიშვილის თქმით, “ვე შეაფასებს”:
“მე ამას ვერ შევაფასებ. სანამ ეს არ არის დადასტურებული, როგორც ამ ქვეყნის პრეზიდენტი, ვერ ვიტყვი, რომ ამ ქვეყანაში არ არის ის სამედიცინო პოტენციალი, რომელიც ამას უზრუნველყოფს. თუ ვინმე ამას დაადასტურებს, მაშინ უნდა იყოს მიღებული გადაწყვეტილება, მაგრამ ჩემთვის დღეს ასეთი მდგომარეობა და მოცემულობა არ არსებობს”- თქვა ზურაბიშვილმა.
Loading ...