ზუგდიდში ავტომობილი 70 წლის ქალს დაეჯახა – მძღოლი მიიმალა

ავტოსაგზაო შემთხვევა ზუგდიდში. მსუბუქი ავტომობილი 70 წლის ქალს დაეჯახა. მისი მდგომარეობა მძიმეა, ის ზუგდიდის რეფერალურ საავადმყოფოშია გადაყვანილი.

არსებული ინფორმაციით, მძღოლმა უსაფრთხოების მართვის ცენტრში, 112-ში დარეკა, მანქანა შემთხვევის ადგილას დატოვა და მიიმალა.

შემთხვევის ადგილას ექსპერტ-კრიმინალისტები მუშაობენ.

საქმეზე დაწყებულია გამოძიება.

წყარო: mtavari.tv