შინაგან საქმეთა სამინისტროს განცხადებით, ზუგდიდის სოფელ ორსანტიაში მდინარე ენგურში მამაკაცის ცხედრის გამორიყვის ფაქტზე გამოძიება დაიწყო.
“დაიწყო გამოძიება სისხლის სამართლის კოდექსის 115-ე მუხლით”, – აცხადებენ შინაგან საქმეთა სამინისტროში.
ზუგდიდის სოფელ ორსანტიაში ადგილობრივებმა მდინარეში მამაკაცის ცხედარი იპოვეს.
ორსანტიაში მერის წარმომადგენლის ელგუჯა ბოკუჩავას განცხადებით, მამაკაცი 65 წლისაა და ის გალის რაიონის სოფელ ოქუმის მკვიდრია.
“გუშინ მდინარე ენგურმა გამორიყა მამაკაცის ცხედარი. ადგილობრივებმა იპოვეს და შესაბამის სამსახურებს აცნობეს. ადგილობრივები ვარაუდობენ, რომ ის გალის რაიონიდან აქეთ გადმოსვლას ცდილობდა, რა დროსაც წყალში დაიხრჩო”, – უთხრა “ლაივპრესს” ელგუჯა ბოკუჩავამ.
www.livepress.ge
კომენტარები
Loading ...