სამეგრელო-ზემო სვანეთის რეგიონში გუბერნატორის მოვალეობის შემსრულებლის, მალხაზ თორაიას ინფორმაციით, ზუგდიდის ინფექციურ საავადმყოფოში კორონავირუსზე 526 პირი გამოიკვლიეს, მათგან 14 -ს ვირუსი დაუდასტურდა.
ამის შესახებ თორიამ სამეგრელო-ზემო სვანეთის სამხარეო ადმინისტრაციაში რეგიონალური საკოორდინაციო საბჭოს სხდომის შემდეგ განაცხადა. თორიას თქმით, ყველა კოვიდინფიცირებული ენგურჰესის თანამშრომელი და მათი კონტაქტია. ინფიცირებულები ე.წ საბერიოს კლასტერს მიეკუთვნებიან.
ამასთან, როგორც თორიამ აღნიშნა, ინფიცირებულების საქართველოს კონტროლირებად ტერიტორიაზე გადმოყვანა დღის განმავლობაში მოხდება და სხვადასხვა კლინიკაში გადანაწილდებიან.
ცნობისთვის, რუხში 62 კოვიდინფიცირებული მკურნალობს. ანაკლია-განმუხურის საკარანტინო სივრცეში კი ბოლო მონაცემებით 290 ადამიანი იმყოფება.