სასჯელაღასრულების მე-8 დაწესებულება დატოვა „სამართალდამცავთა რეფორმირების ცენტრის” ხელმძღვანელმა, ზვიად კუპრავამ. მან 9-თვიანი საპატიმრო სასჯელი მოიხადა.
2019 წლის 21 თებერვალს, თბილისის საქალაქო სასამართლომ ზვიად კუპრავა დამნაშავედ ცნო სასამართლოს მიმართ უპატივცემულობაში. გამოძიების ინფორმაციით, 2018 წლის 11 ივნისს კუპრავამ სასამართლოს შენობაში მოსამართლეს სიტყვიერი შეურაცხყოფა მიაყენა.
იმ პერიოდში, ზვიად კუპრავა აქტიურად უჭერდა მხარს ხორავას ქუჩაზე მოკლული მოზარდის, დავით სარალიძის მამის, ზაზა სარალიძის საპროტესტო აქციებს საქმის ობიექტურად გამოძიების და რეალური დამნაშავეების დასჯის მოთხოვნით. ზვიად კუპრავა აცხადებდა, რომ პოლიტიკური ნიშნით დააპატიმრეს.
კომენტარები
Loading ...
