ზვავსაშიშროების მაღალი საფრთხის გამო, გზის აღნიშნულ მონაკვეთზე გადაადგილება დროებით აკრძალულია

გარემოს ეროვნული სააგენტოს ინფორმაციით, ზვავსაშიშროების მაღალი საფრთხის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ93-კმ107 მონაკვეთზე (გუდაური (ფოსტა) – კობი) ყველა სახის ავტოტრანსპორტის მოძრაობა შეზღუდულია.

საქართველოს ინფრასტრუქტურის სამინისტროს საავტომობილო გზების დეპარტამენტის ცნობით, შეზღუდვები უსაფრთხოების მიზნით დაწესდა და გზის აღნიშნულ მონაკვეთზე გადაადგილება დროებით აკრძალულია.

ამასთან, გარემოს ეროვნული სააგენტოს განცხადებით, მლეთა–გუდაურის მონაკვეთზე ავტოტრანსპორტის მოძრაობა სპეციალური რეჟიმით, გაუჩერებლად გავლის პრინციპით განხორციელდება.

უწყებები მძღოლებს მოუწოდებენ, გაითვალისწინონ არსებული შეზღუდვები და გადაადგილების დაგეგმვისას გაითვალისწინონ ამინდისა და გზის პირობები.