მივემგზავრები აშშ-ში, რათა გავაძლიერო უკრაინის მედეგობა და თავდაცვის შესაძლებლობები. კერძოდ, ჯო ბაიდენი და მე განვიხილავთ უკრაინასა და აშშ-ის შორის თანამშრომლობას. ასევე სიტყვით გამოვალ კონგრესის სხდომაზე და არაერთ ორმხრივ შეხვედრას გავმართავ”, – წერს ზელენსკი “ტვიტერზე”.
უკრაინის პრეზიდენტი ვოლოდიმირ ზელენსკი ოთხშაბათს ამერიკაში, ვაშინგტონში ჩასვლას გეგმავს. CNN-ს ორი წყარო ეუბნება, რომ ზელენსკი ამერიკის პრეზიდენ, ჯო ბაიდენს თეთრ სახლში შეხვდება. გარდა ამისა, მედიის ინფორმაციით, დაგეგმილია უკრაინის პრეზიდენტის მიმართვა კონგრესის ერთობლივ სესიაზე.
ეს მისი პირველი ვიზიტი იქნება უკრაინის ფარგლებს გარეთ მიმდინარე წლის თებერვალში რუსეთის შეჭრის დაწყების შემდეგ.
არსებული ინფორმაციით, ვიზიტი ბაიდენთან შეხვედრის გარდა მოიცავს კომუნიკაცას ადმინისტრაციის მაღალჩინოსნებთან.
BBC წერს, რომ სამშაბათს ღამით, დემოკრატიული პალატის სპიკერმა ნენსი პელოსიმ მოუწოდა კონგრესის წევრებს დაესწრნონ ოთხშაბათს საღამოს შეკრებას “დემოკრატიაზე განსაკუთრებული ფოკუსირებისთვის”. მას დამატებითი დეტალები არ გაუსაჯაროებია.
ამერიკელი ოფიციალური წყარო CNN-ს ეუბნება, რომ ვიზიტის დროს ბაიდენი გამოაცხადებს დამატებით 1,8 მილიარდი დოლარის დახმარებას უკრაინისთვის.
Loading ...