ზელენსკის – რომელიმე კომპანია ან სახელმწიფო რუსეთს ნავთობით ვაჭრობაში თუ დაეხმარება, მათაც სანქციები უნდა დაუწესდეთ

ნებისმიერი კომპანია ან სახელმწიფო, რომელიც დაეხმარება რუსეთს ნავთობით ვაჭრობაში, სანქცირებული უნდა იყოს,- ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.

მისი თქმით, უკრაინა უახლოეს პერიოდში ელოდება გადაწყვეტილებას ნავთობშეზღუდვებთან დაკავშირებით რუსეთის წინააღმდეგ.

„დაჟინებით ვითხოვთ, რომ სანქციების სამართლიანი ნაწილი ნავთობთან მიმართებით უნდა იყოს რუსეთის ნებრისმიერი მცდელობის ბლოკირება შეზღუდვების გვერდის ავლით გაყიდოს ე.წ. ნავთობის ნარევები. თუ ნებისმიერი კომპანია, ნებისმიერი სახელმწიფო დაეხმარება რუსეთს ნავთობით ვაჭრობაში, ის ასევე უნდა იყოს სანქცირებული“,- განაცხადა ზელენსკიმ.

პრეზიდენტის თქმით, რუსეთის სამხედრო-ტერორისტული მანქანის ნებისმიერი სახით დაფინანსება უნდა შეჩერდეს.