„ყველა ზებრა ბიძინასი არ არის“,- ამბობენ მოძრაობა „გაბედეს“ წევრები. მათ რესპუბლიკის მოედანზე აქცია-პერფორმანსი გამართეს, რომლის დროსაც საგანგებოდ დადგმულ გალიაში სათამაშო ზებრა ჩასვეს. გალიას კი „ქართული ოცნების“ თავმჯდომარის ბიძინა ივანიშვილის ფოტოები მიამაგრეს.
„გაბედეს“ წევრები ასე აპროტესტებენ 21 ნოემბერს „ქართული ოცნების “ ოფისთან მოძრაობის 4 წევრის დაკავების ფაქტს.
იმ დროს, როცა „ქართული ოცნების“ ოფისში პარტიის თავმჯდომარე ევროკავშირის ელჩებს ხვდებოდა, მოძრაობა „გაბედეს“ აქტივისტები აქციას მართავდნენ, ოფისის მიმდებარე ტერიტორიაზე, სამართალდამცველებმა აქციაზე “გაბედეს” 4 წევრი დააკავეს. დანაშაულის ნიშნების არ ქონის გამო, ერთი პირი მოსამართლემ უდანაშაულოდ 21 ნოემბერსვე ცნო, სამი პირის სასამართლო კი დღეს გაიმართება.
www.radiotavisupleba.ge
Loading ...