“ზაზა ოქუაშვილი მთავარ არხს აჩერებს” – ტელეკომპანიის განცხადება

ზაზა ოქუაშვილი “მთავარ არხს” აჩერებს – ამის შესახებ ტელეკომპანიის მიერ გავრცელებულ ინფორმაციაშია აღნიშნული.

როგორც არხი წერს, თანადამფუძნებლის, ზაზა ოქუაშვილის მიერ ხელოვნურად შექმნილი ფინანსური კრიზისის გამო, “შენი დილა” ვერ გადის ეთერში.

“ზაზა ოქუაშვილი ემსახურება რუსული რეჟიმის მიზნებს და ხურავს ქვეყნის მთავარ კრიტიკულ არხს.

ჩვენ ვმუშაობთ იმისთვის, რომ გამოვნახოთ სახსრები ეთერის აღსადგენად”,- აღნიშნავენ “მთავარ არხში”.

შეგახსენებთ, 27 იანვარს ტელეკომპანიამ საგანგებო განცხადება გაავრცელა და განაცხადა, რომ არხი ყველა მომხმარებლისთვის გაითიშა როგორც რეგიონებში, ასევე საზღვარგარეთ, რადგან ზაზა ოქუაშვილის მიერ დანიშნული დირექტორი, გოგი ქურდაძე უარს ამბობს სერვისის მიმწოდებელი კომპანიებისთვის თანხის გადარიცხვაზე.