ვრცელდება ვიდეო – როგორ დაეჯახა ცემენტმზიდი ავტობუსს ავტობანზე

რუსთავში ცემენტმზიდი ავტობუსს დაეჯახა.

“ინფო რუსთავი” ავრცელებს ექსკლუზიურ კადრებს თუ როგორ მოხდა შეჯახება. კადრებში ჩანს რომ “მენი”-ს მარკის ცემენტმზიდი გადაადგილდება რუსთავი-თბილისის ავტობანზე, კონკრეტულად კი კრწანისის ტყის მიმდებარე ტერიტორიაზე. ცემენტმზიდის წინ მიდის რუსთავის მუნიციპალური ავტობუსი რომელსაც ათზე მეტი მგზავრი გადაჰყავდა. გზის გარკვეულ მონაკვეთში ავტობუსი სიჩქარეს ანელებს რა დროსაც მას უკნიდან ცემენტმზიდი ეჯახება.

შეჯახების შემდეგ კადრებში ასევე ჩანს რომ ავტობუსის წინ, გზაზე გაჩერებული იყო ევაკუატორი, რის გამოც სავარაუდოდ ავტობუსის მძღოლმა შეანელა სიჩქარე. არსებული ინფორმაციით ევაკუატორს გზის პირზე მდგომი გაფუჭებული ჯიპის ტიპის ავტომობილი უნდა გადაეყვანა.

თვითმხილველების ინფორმაციით ავტობუსმა ევაკუატორის გამო შეანელა რა დროსაც მას უკნიდან ცემენტმზიდი დაეჯახა, ავტობუსის მძღოლმა მართვა დაკარგა, შემოტრიალდა და ინერციით ევაკუატორს დაეჯახა. “ინფო რუსთავმა” ასევე მოიპოვა ინფორმაცია საიდანაც ირკვევა რომ ავტობუსი შეჯახებამდე 77 კმ/სთ-ით გადაადგილდებოდა.

ავარიის დროს დაშავდა 9 ადამიანი, მათ შორის არის მძღოლიც. 2 პირმა სამედიცინო დაწესებულებაში გადაყვანაზე უარი განაცხადა, ხოლო 7 პაციენტი უახლოეს კლინიკებში გადაიყვანეს.