ეს არ არის მხოლოდ რუსეთის შეჭრა უკრაინაში, ეს არის ომის დაწყება ევროპაში, ევროპის ერთიანობის წინააღმდეგ, – ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
მისივე თქმით, ომის მიმდინარეობას მთელი ევროპა ხედავს.
„გერმანიის კანცლერმა ოლაფ შოლცმა გუშინ უკრაინაში რუსეთის ინტერვენციაზე განაცხადა, რომ ევროპას ასეთი რამ ბოლო 75 წლის განმავლობაში არ უნახავს. ეს სიმართლეა. თუმცა ეს მთელი სიმართლე არ არის. ეს არ არის მხოლოდ რუსეთის შეჭრა უკრაინაში, ეს არის ომის დაწყება ევროპაში, ევროპის ერთიანობის წინააღმდეგ. ევროპაში ადამიანის უფლებების წინააღმდეგ, კონტინენტზე არსებობის ყველა წესების წინააღმდეგ. იმის წინააღმდეგ, რომ ევროპული სახელმწიფოები უარს ამბობენ საზღვრების ძალით დაყოფაზე. უკვე მეორე დღეა, უკრაინის ქალაქებზე ხორციელდება სარაკეტო დარტყმები, სატანკო კოლონები და ავიათავდასხმები, რომლებიც მაქსიმალურად ჰგავს იმას, რაც ევროპამ დიდი ხნის წინ იხილა – მეორე მსოფლიო ომის დროს და რაზეც ის ამბობდა „აღარასდროს განმეორდება“. თუმცა აი, ისევ, 2022 წელს, მეორე მსოფლიო ომის დასრულებიდან 75 წლის შემდეგ. დარწმუნებული ვარ, თქვენ ამას ხედავთ, მთელი ევროპა ამას ხედავს. თუმცა ჩვენ ვერ ვხედავთ სრულად, რის გაკეთებას აპირებთ ამასთან დაკავშირებით. როგორ აპირებთ საკუთარი თავის დაცვას, როდესაც ასე ნელა გვეხმარებით ჩვენ უკრაინაში?“, – განაცხადა ზელენსკიმ.
როგორც ზელენსკი ამბობს, ჯერ კიდევ შესაძლებელია აგრესიის შეჩერება და ამისთვის ევროპული სახელმწიფოების მხრიდან საჭიროა დაუყოვნებლივი მოქმედება.
„ჩამოვთვლი, რაც უკვე მხოდა. ამისთვის ჩვენ მადლობელი ვართ. აშშ-ის, კანადის, დიდი რბიტანეთის, ევროკავშირის, ავსტრალიის და ახალი ზელანდიის სექტორალური სანქციები რუსეთის წინააღმდეგ. კერძოდ, ყველა უმსხვილესი ბანკის წინააღმდეგ, ყველა უმსხვიელსი რუსული საწარმოს წინააღმდეგ, დასავლურ ტექნოლოგიებზე რუსეთის წვდომის წინააღმდეგ. თუმცა რუსული ტანკები ჯერ კიდევ ესვრიან ჩვენს ქალაქებში საცხოვრებელ სახლებს. ჯავშანტექნიკა ჯერ კიდევ უტევს მათ შორის სამოქალაქო პირებს, უკრაინის რიგით მოქალაქეებს. ევროპა ფლობს საკმარის ძალას, რომ შეაჩეროს ეს აგრესია. რას ველოდოთ კიდევ ევროპული სახელმწიფოებისგან? რუსებისთვის ვიზების გაუქმებას? SWIFT-ისგან გათიშვა? რუსეთის სრულ იზოლაცია? ელჩების გაწვევა? სანავთობო ემბარგო? საჰაერო სივრცის დახურვა? ყველაფერი ეს დღეს უნდა იყოს მაგიდაზე, რადგან საუბარია ყველა ჩვენგანის, მთელი ევროპის წინაშე არსებულ საფრთხეზე. ჯერ კიდევ შესაძლებელია აგრესიის შეჩერება. საჭიროა დაუყოვნებლივი მოქმედება“, – განაცხადა ვოლოდიმირ ზელენსკიმ.
ამასთან, ვოლოდიმირ ზელენსკიმ მიმართა რუსეთის პრეზიდენტს, რომ დასხდნენ მოლაპარაკებების მაგიდათან, რათა შეაჩერონ ადამიანების სიკვდილი.
„დარწმუნებული ვარ, მოქმედება რიგით ადამიანებსაც შეუძლიათ მსოფლიოს ყველა ქვეყანაში, ევროპის ყველა ქვეყანაში. გამოდით თქვენი ქალაქების მოედნებზე და მოითხოვეთ მშვიდობა ევროპისთვის, მშვიდობა უკრაინისთვის, ამ ომის დასრულება. გამოდით მოედნებზე და მოითხოვეთ ომის დასრულება, ეს არის ჩვენი უფლება, ეს არის თქვენი უფლება. როდესაც რაკეტები ვარდება უკრაინაში, ეს ხდება ევროპაში და არა მხოლოდ უკრაინაში. როდესაც რაკეტები კლავს ჩვენს ხალხს, ეს არის ყველა ევროპელის სიკვდილი. მოითხოვეთ ევროპისთვის მეტი დაცვა, მეტი დაცვა უკრაინისთვის, როგორც დემოკრატიული მსოფლიოს ნაწილისვთის. ვიდრე ევროპაში სახელმწიფო ინსტიტუტები არ ჩქრაობენ, მიიღონ რეალურად მტკიცე გადაწყვეტილებები, ყველა ევროპელს თავის დედაქალაქში შეუძლია მივიდეს ჩვენს საელჩოში და შემოგვთავაზოს თავისი დამხარება. მოითხოვეთ თქვენი მთავრობებისგან, რომ უკრაინას მისცენ უფრო მეტი ფინანსური, სამხედრო დახმარება, რადგან ეს დახმარება არის თქვენი, ევროპის დახმარება. თქვენ თავად ეხმარებით საკუთარ თავს. თუ თქვენ ევროპაში გაქვთ საბრძოლო გამოცდილება და არ გსურთ, უყუროთ პოლიტიკოოსების გაუბედაობას, შეგიძლიათ ჩამოხვიდეთ ჩვენს ქვეყანაში და ჩვენთან ერთად დაიცვათ ევროპა, სადაც ახლა საჭიროა. თქვენ უკვე გაშანტაჟებდნენ გაზით, თქვენ უკვე გამცირებდნენ და სურთ თქვენი დაყოფა ისევე, როგორც ცდილობენ უკრაინის დაყოფას. დაიცავით საკუთარი თავი ისევე, როგორც ჩვენი ვიცავთ საკუთარ თავს.
მსურს, კიდევ ერთხელ მივმართო რუსეთის ფედერაციის პრეზიდენტს. უკრიანის მთელ ტერიტორიაზე მიდის შეტაკებები. მოდით, დავსხდეთ მოლაპარაკებების მაგიდასთან, რათა შევაჩეროთ ადამიანების სიკვდილი. ახლა კი მსურს, მივმართო უკრაინის შეიარაღებულ ძალებს, მტკიცედ იდექით. თქვენ ხართ ყველაფერი, რაც ჩვენს სახელმწიფოს იცავს. დიდება უკრაინას“, – განაცხადა ზელენსკიმ.
Loading ...