ვლადიმერ პუტინი – საიმედოდ უზრუნველვყოფთ რუსეთის უსაფრთხოებას და არასოდეს დავუშვებთ, რომ უკრაინა ჩვენი ქვეყნის საწინააღმდეგო აგრესიის პლაცდარმი გახდეს

კიევის ხელისუფლებას არ ადარდებს ადგილობრივი მშვიდობიანი მოსახლეობა. ამის შესახებ რუსეთის პრეზიდენტმა ვლადიმერ პუტინმა განაცხადა.

„ჩვენ ისევ და ისევ ვრწმუნდებით, რომ კიევის რეჟიმს, რომელსაც თავისმა დასავლელმა პატრონებმა დაუსახეს ამოცანა, შექმნან აგრესიული ანტი-რუსეთი, თავად უკრაინელი ხალხის ბედი არ ადარდებს. ის, რომ ადამიანები იღუპებიან, ის, რომ ასობით ათასი, მილიონობით ადამიანი დევნილი გახდა, ის რომ ქალაქებს იკავებენ ნეონაცისტები და მათი შეიარაღებული დამნაშავეები, რომლებიც ციხეებიდან გამოუშვეს, ხდება ნამდვილი ჰუმანიტარული კატასტროფა – არ ადარდებთ“, – აცხადებს პუტინი.

მისივე თქმით, უკრაინა არასოდეს გახდება რუსეთისთვის საშიშროების პლაცდარმი.

„ჩვენ საიმედოდ უზრუნველვყოფთ რუსეთის უსაფრთხოებას და არასოდეს დავუშვებთ, რომ უკრაინა გახდეს ჩვენი ქვეყნის საწინააღმდეგოდ აგრესიის პლაცდარმი“ , – განაცხადა კრემლის ლიდერმა.

მისივე თქმით, რუსეთი მზად არის მოლაპარაკებების მეშვეობით განიხილოს უკრაინის ნეიტრალიტეტის სტატუსი, მისი დემილიტარიზაცია და დენაციფიკაცია.

„ჩვენმა ქვეყანამ ყველაფერი გააკეთა ამ მოლაპარაკებების ორგანიზებისა და გამართვისთვის, რადგან ესმის, რომ აუცილებელია ნებისმირი შესაძლებლობის გამოყენება იმისთვის, რომ დაიცვას ადამიანები და მათი სიცოცხლე“ , – განაცხადა პუტინმა.