“ვიღაცა ერთობა, დიდი მიწისძვრა იქნებაო, არ აჰყვეთ ჭორს!” – თეა გოდოლაძე

ილიას სახელმწიფო უნივერსიტეტის სეისმური მონიტორინგის ეროვნული ცენტრის ხელმძღვანელი, თეა გოდოლაძე ამბობს, რომ ვრცელდება ყალბი ინფორმაცია “მოსალოდნელი დიდი მიწისძვრის” შესახებ.

სეისმოლოგი კიდევ ერთხელ განმარტავს, რომ მიწისძვრის პროგნოზის გაკეთება შეუძლებელია.

“უმორჩილესად გთხოვთ! არ აყვეთ და ნუ უჯერებთ გავრცელებულ ჭორს. ვიღაც ერთობა ამ ინბოქსში მესიჯების გზავნით, დიდი მიწისძვრა იქნებაო!

არ კეთდება მიწისძვრის პროგნოზი არა!” – წერს გოდოლაძე.

საქართველოში დღეს სამი მიწისძვრა მოხდა, არცერთი მათგანი ძლიერი არ ყოფილა.