ვის უკავშირდება კორონავირუსის ახალ შემთხვევები საქართველოში

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კოვიდცენტრების რეანიმაციულ და ინტენსიური თერაპიის განყოფილებებში ამ დროისთვის 5 კრიტიკული და 23 მძიმე პაციენტი რჩება.

როგორც მან ჟურნალისტებს განუცხადა, ინფიცირებული 8 პაციენტიდან ერთი სამედიცინო პერსონალია.

„გუშინდელი მონაცემებით, ქვეყანში იყო 1421 დადასტურებული შემთხვევა, დაგვემატა 8 ახალი დადასტურებული შემთხვევა. მათგან ერთის წყარო არის ლენჯერი, ორი დაავადებულის წყარო არის კონტაქტი დაავადებულ პაციენტებთან, 4 არის შემოტანილი, საიდანაც 3 არის სატვირთო ავტომობილის მძღოლი. ერთი კი არის სამედიცინო პერსონალი. რაც შეეხება გამოჯანმრთელებულთა რიცხვს, ის გაიზარდა 13-ით და 1150 გახდა. ამჟამად, კოვიდცენტრებში მკურნალობს 260 დადასტურებული შემთხვევა. გამოჯანმრთელებულების პროცენტული რაოდენობა კვლავ 80 პროცენტია”, – განაცხადა მარინა ეზუგბაიამ.