ვის და რატომ მიანიჭა ოზურგეთის მერიამ საპატიო მოქალაქის წოდება

ოზურგეთის ტრადიციულ დღესასწაულზე, ალეგრობაზე, რომელიც ქალაქში ყოველწლიურად იმართება, რამდენიმე ოზურგეთელს ოზურგეთის საპატიო მოქალაქის და მოღვაწის  წოდებები  მიანიჭეს. მათ შორის არის ოზურგეთის ვიცე–მერის, ალექსანდრე სურგულაძის მამა და ცნობილი ბიზნესმენის ვანო ჩხარტიშვილის და, მარინა ჩხარტიშვილი. ამ ორი ადამიანისთვის   საპატიო ჯილდოს მინიჭებამ აზრთა სხვადასხვაობა გამოიწვია. ალექსანდრე სურგულაძის მამა, როგორც აღმოჩნდა, საბჭოთა წლებში, წვერმაღალას მეურნეობის დირექტორი იყო, ხოლო ვანო ჩხარტიშვილის და, როგორც ოზურგეთის მერიის მიერ მოწოდებული ინფორმაციით ირკვევა, პროფესორია.

იმ მოქალაქეთა სია, რომელთაც ოზურგეთის მუნიციპალიტეტის მერიამ, სხვადასხვა სფეროში შეტანილი წვლილისთვის დააჯილდოვა, ასე გამოიყურება:

1. ნანა ტრაპაიძე- ექიმი; – საპატიო მოქალაქე
2. თედო ნინიძე – იურისტი; – საპატიო მოქალაქე
3. ანდრეი ევსტრატოვი- გენიჩესკის რაიონული საბჭოს თავმჯდომარე; – საპატიო მოქალაქე
4. გერონტი ჭელიძე – ქორეოგრაფი; – დამსახურებული მოღვაწე
5. სიმონ ჩხაიძე – ქორეოგრაფი; – დამსახურებული მოღვაწე
6. ნიკოლოზ ნაჭყებია – ქორეოგრაფი; – დამსახურებული მოღვაწე
7. ვახტანგ სურგულაძე – სოფლის მეურნეობის მეცნიერებათა აკადემიური დოქტორი; – დამსახურებული მოღვაწე
8. მარინა ჩხარტიშვილი -პროფესორი; – დამსახურებული მოღვაწე
9. კლარა ჩავლეშვილი- მედდა; – საპატიო მცხოვრები
10. ვეფხია ფიფია – კულტურისა და მოსწავლე ახალგაზრდობის ცენტრის  ოპერატორი; – საპატიო მცხოვრები