უკრაინაში მებრძოლი ქართველები ტელეკომპანია „ფორმულას“ ეთერით, „ქართული ოცნების“ ლიდერების განცხადებებს ეხმიანებიან, რომ „სხვა ქვეყნის სამხედრო სამსახურში ყოფნა ავტომატურად იწვევს საკუთარი ქვეყნის მოქალაქეობის დაკარგვას“.
რომეო ფარულავას განცხადებით, უკრაინაში მებრძოლი ქართველები მოხალისეები არიან.
„ვინც აქ ვიმყოფებით, მოხალისეები ვართ… ჩვენს ის ხალხი არ ვართ, ვისაც მდინარაძისნაირი ადამიანების მუქარის ეშინია“, – აცხადებს რომეო ფარულავა.
ვანო ნადირაძის თქმით, „ქართულ ოცნებას“ „ დიდი რუსეთიდან დაავალეს, რომ შეტევა მიიტანონ ქართველ სამხედროებზე, რომლებიც უკრაინაში ომში იბრძვიან.“
„ჩვენ სამშობლო გვიზის გულში“, – აცხადებს ვანო ნადირაძე.
ვაჟა ცეცაძეს კი აინტერესებს, „ვის აქვს უფლება მოქალაქეობა ჩამოართვას გმირებს, რომლებსაც მთელი ცხოვრება სამშობლოსთვის აქვთ მიძღვნილი“.
„ბოდვას უფრო ჰგავს, ვიდრე რაღაც სიმართლეს. პირველად გავიგე ასეთ რამე. 90% საქართველოს ომის ვეტერანები ვართ, თან არაერთგზის და ვის აქვს უფლება საქართველოს მოქალაქეობა ჩამოართვას გმირებს, რომლებსაც მთელი ცხოვრება თავიანთი სამშობლოსთვის აქვთ მიძღვნილი?“, – აცხადებს ცეცაძე.
Loading ...
