ოზურგეთის ტექნოლოგიური პარკის დირექტორად ოზურგეთელი, 23 წლის ავთო თავდიშვილი დაინიშნა. ტექნოლოგიური პარკის მშენებლობა ოზურგეთში ერთი წლის წინ , N 1 საჯარო სკოლის მშენებლობასთან ერთად დასრულდა. მისი გახსნა კი პანდემიის გამო მაშინ შეფერხდა და დროებით გადაიდო.
როგორც ჩვენთვის გახდა ცნობილი ტექნოლოგიების პარკს 6 დეკემბერს გახსნიან და მის ხელმძღვანელად N 1 საჯარო სკოლის კურსდამთავრებული, ავთო თავდიშვილი , კონკურსის წესით დაინიშნა.
,,ასე გამოვიდა, დავტოვე თბილისი, ძველი სამსახური და დავბრუნდი სახლში, იმიტომ რომ ძალიან დიდ შესაძლებლობებს ვხედავ ტექნოლაბში. ვთვლი რომ ჩემს ცხოვრებაში ძალიან მნიშნელოვანი ეტაპი დაიწყო, რომელიც უდიდესი გამოწვევაა. ყველაფერს გავაკეთებ იმისთვის, რომ მაქსიმალური შედეგები დავდო,” – გვითხრა ავთო თავდიშვილმა.
ავთო თავდიშვილმა 2016 წელს დაამთავრა N1 საჯარო სკოლა, უნივერსიტეტი – 2020 ში. ამჟამად ილიას სახელმწიფო უნივერსიტეტში განათლების ადმინისტრირების ფაკულტეტზე, სამაგისტრო პროგრამას ეუფლება.
Loading ...