ვინ დაასახელა გურიაში მერობის კანდიდატებად ”ქართულმა ოცნებამ”

უკვე ცნობილი გახდა, თუ ვინ იქნება ”ქართული ოცნების” მერობის კანდიდატები გურიის რეგიონში.

როგორც მოსალოდნელი იყო, ოზურგეთში სახელისუფლებო პარტიას მერობის კანდიდატად ამჟამინდელი მერი ავთანდილ თალაკვაძე აღარ დაუსახელებია. ქალაქში გამოჩნდა საარჩევნო ბანერი, საიდანაც ცხადი გახდა, რომ 4 ოქტომბრის არჩევნებში მერობის კანდიდატის სტატუსით მონაწილეობას პაატა კუნჭულია მიიღებს.

პაატა კუნჭულია თსუ-ს ბიზნესის ადმინისტრირების დოქტორია, აკადემიური ხარისხის მიღების მიზნით ) ERASMUS MUNDUS პროგრამის ფარგლებში „გარეთანამშრომლობის ფანჯარა“ (EM ECW) ერთი წლის განმავლობაში იმყოფებოდა საბერძნეთში, როთაც დოქტორის ხარისხი მიიღო. იყო ERASMUS MUNDUS პროგრამის სტიპენდიატი.

რაც შეეხება ჩოხატაურს, აქ მერობის კანდიდატი მინდია ჟღერია იქნება, რომელიც ამ დრომდე ამჟამინდელი მერის დავით შარაშიძის მოადგილე იყო და ”ქართული ოცნების” აქტიური წევრია. მუნიციპალიტეტის ვებ-გვერდზე არის განთავსებული ინფორმაცია მის შესახებ:

განათლება 

საქართველოს ტექნიკური უნივერსიტეტი

კვალიფიკაცია: სამადუღრე (ლუდის) ტექნოლოგი

სამუშაო გამოცდილება  

2017 წლიდან დღემდე – ჩოხატაურის მუნიციპალიტეტის მერის მოადგილე

2014-2017 წლები – ჩოხატაურის მუნიციპალიტეტის გამგებლის მოადგილე

2010-2014 წლები – სს „საქართველოს ბანკი”,  ექსპერტ-შემფასებელი

2008-2008 წლები – სს „სახალხო ბანკი”, განვადების მენეჯერი

ერთადერთი მუნიციპალიტეტი გურიაში, სადაც კანდიდატი იგივე დარჩა, ლანჩხუთია. ალექსანდრე სარიშვილი კენჭს უკვე მესამედ იყრის.