შინაგან საქმეთა სამინისტრომ კარანტინის წესების დარღვევის გამო დღეს სამი პირი 3000_3000 ლარით დააჯარიმა. ერთ_ერთი დაჯარიმებული გურიაშია.როგორც “გურიაTV” -მ გაარკვია, აღნიშნული პირი ჩოხატაურის მუნიციპალიტეტის სოფელ საჭამიასერში ცხოვრობს და კარანტინს, საკუთარ სახლში გადიოდა.
– მარნეულში მუშაობდა, საიდანაც მუნიციპალიტეტის ჩაკეტვამდე ერთი საათით ადრე გამოვიდა. მას შემდეგ რაც მარნეული წითელ ზონად გამოცხადდა, რამდენჯერმე გავაფრთხილეთ რომ წესები დაეცვა, თუმცა, დაარღვია, – გვითხრეს ჩოხატაურის პოლიციის თანამშრომლებმა. სწორეს მათ გამოავლინეს დამრღვევი პირი, რომელსაც ჯარიმასთან ერთად იძულებით კარანტინში გადაყვანაც მოუწია.
კომენტარები
Loading ...