“დარწმუნებული ვართ, რომ ავათანდილი არათუ დამაჯერებლად მოიგებს ამ არჩევნებს, არამედ ხელს შეუწყობს ოზურგეთის შემდგომ განვითარებას” – განაცხადა დღეს პარტია “ქართული ოცნების” თავმჯდომარემ, ირაკლი კობახიძემ ოზურგეთის მერობის კანდიდატის წარდგენისას.
ქართულმა ოცნებამ ოზურგეთში თავის კანდიდატად ავთანდილ თალაკვაძე დაასახელა.
“წარდგენისთვის და ნდობისთვის მადლობას ვუხდი პარტია “ქართული ოცნების” თავმჯდომარეს ირაკლი კობახიძეს, პარტიის ლიდერებს და პოლიტიკური საბჭოს წევრებს.
მადობას ვუხდი თითოეულ ჩვენს მხარდამჭერს – მჯერა #ერთად გავიმარჯვებთ!” – ეს განცხადება დღეს ავთანდილ თალაკვაძემ მერობის კანდიდატად მისი დასახელების შემდეგ, სოციალურ ქსელში გამოაქვეყნა.
ავთანდილ თალაკვაძე პარლამენტის ყოფილი თავმჯდომარის, არჩილ თალაკვაძის ძმაა. იგი 2015-2020 წლებში საქართველოს შრომის, ჯანმრთელობისა და სოციალური დაცვის სამინისტროს საგანგებო სიტუაციების კოორდინაციისა და რეჟიმის დეპარტამენტის უფროსი იყო.
თალაკვაძე პროფესიით ეკონომისტია. იგი 1984 წელსაა დაბადებული. ყავს მეუღლე და ერთი შვილი.
კომენტარები
Loading ...