ვინ არიან ყველაზე ძვირად ღირებული ქართველი ფეხბურთელები

საქართველოს ნაკრების ფეხბურთელები არა მხოლოდ ქართველი გულშემატკივრებისთვის, არამედ, უცხოური მედიისთვის და სრულიად საფეხბურთო სამყაროსთვის სულ უფრო შესამჩნევები ხდებიან.

საინტერესოა, როგორც მათი პერსპექტივები, ისე ფინანსური ნაწილი. სამენეჯერო სააგენტო Transfermarkt მუდმივად აქვეყნებს ყველაზე ძვირად ღირებული ფეხბურთელების რეიტინგს, რომლის მიხედვითაც, ქართველებს შორის, ხვიჩა კვარაცხელია 80 მლნ ევროთი ლიდერია, მას მოსდევს გიორგი მამარდაშვილი და გიორგი მიქაუტაძე.

შეგახსენებთ, რომ გუშინ, სა­ქარ­თვე­ლომ ლუქ­სემ­ბურგს 2:0 მო­უ­გო და ევ­რო­პის საკ­ვა­ლი­ფი­კა­ციო ეტაპ­ზე, ფი­ნალ­ში გავიდა. აღნიშნული თამაშით საქართველოს ეძლევა შანსი, რომ ევროპის ჩემპიონატზე იასპარეზოს.

გუშინდელი თამაშის გმირი ბუდუ ზივზივაძე გახდა, ორივე გოლის ავტორი სწორედ ის იყო. Transfermarkt-ის მიხედვით, მისი ღირებულება 700 000 ევროა.

უფრო კონკრეტულად, ყველაზე ძვირად ღირებული ქართველი ფეხბურთელების ათეული ასეთია:

ხვიჩა კვარაცხელია – 80 მლნ ევრო

გიორგი მამარდაშვილი 35 მლნ ევრო

გიორგი მიქაუტაძე 9 მლნ ევრო

ოთარ კიტეიშვილი – 3 მლნ ევრო

საბა საზონოვი – 3 მლნ ევრო

გიორგი ჩაკვეტაძე – 2,5 მლნ ევრო

ზურიკო დავითაშვილი – 2,5 მლნ ევრო

გიორგი გოჩოლეიშვილი – 2,5 მლნ ევრო

გიორგი ქვილითაია – 1,7 ევრო

ლუკა ლოჩოშვილი – 1,2 მლნ ევრო