ვინ არიან სახალხო დამცველობის კანდიდატები

პარლამენტის თავმჯდომარემ, შალვა პაპუაშვილმა განაცხადა, რომ კონკურსში სულ 19 კანდიდატი დარეგისტრირდა.

რატომ არის მნიშვნელოვანი: ევროკავშირის მიერ გაცემულ 12 რეკომენდაციაში, ერთ-ერთი სახალხო დამცველის გამჭვირვალედ და დემოკრატიულად არჩევას უკავშირდება.

• ცნობილია, რომ საპარლამენტო უმრავლესობა სახალხო დამცველის კანდიდატურას არ წარადგენს;
• ამჟამინდელ სახალხო დამცველს, ნინო ლომჯარიას უფლებამოსილების ვადა 8 დეკემბერს ეწურება.

სია: კონკურსში მონაწილეობას მიიღებს არასამთავრობოების მიერ წარდგენილი სამი კანდიდატი: ანა აბაშიძე, გიორგი ბურჯანაძე და ნაზი ჯანეზაშვილი. ასევე, პარლამენტის წევრი, იაგო ხვიჩია. სხვა კანდიდატები არიან:

• ადვოკატი, მარიკა არევაძე, ქალების ინიციატივა თანასწორობისათვის ხელმძღვანელი ლელა გაფრინდაშვილი, ასოცირებული პროფესორი სოფიო დემეტრაშვილი, GIPA-ს ასოცირებული პროფესორი თინათინ ერქვანია, ევგენია თავაძე;
• ახალგაზრდა უფლებადამცველთა ასოციაციის თავმჯდომარე, ალექსანდრე კობაიძე, ყვარლის რაიონის ახალგაზრდა იურისტთა კავშირის გამგეობის თავმჯდომარე ლევან კოკორაშვილი, სამეცნიერო-ინტელექტუალური კლუბი თავმჯდომარე ნუგზარ კოხრეიძე, მოქალაქეთა დაცვის ინსტიტუტი დამფუძნებელი და დირექტორი გიორგი მარიამიძე, საქართველოს პროფესიული კავშირების გაერთიანების იურისტი სერგო მახარაძე;
• ხალხის ხმის დამფუძნებელი მაკა მინდიაშვილი, საქართველოს ადვოკატთა ასოციაციის წევრი ჯემალ ნათელაშვილი, საქართველოს დიპლომატიური სამსახურის რეზერვი ნიკოლოზ ნიკოლაძე, განვითარებისა და დემოკრატიის ცენტრის აღმასრულებელი დირექტორი ქეთევან ჩაჩავა, საადვოკატო ბიუროს გიორგი ცობეხია და პარტნიორების მმართველი პარტნიორი გიორგი ცობეხია.

შემფასებელთა ჯგუფი: პაპუაშვილის თქმით, კანდიდატებს 9-კაციანი ჯგუფი შეაფასებს — მათ დრო 13 ოქტომბრამდე აქვთ, რათა კანდიდატები წარმოდგენილი 4 კრიტერიუმით შეაფასონ. კრიტერიუმებში შედის: რეპუტაცია, მიუკერძოებლობა, განათლება და გამოცდილება. ჯგუფის სია ასეთია:

• ადვოკატთა ასოციაციის თავმჯდომარე დავით ასათიანი, თსუ-ს იურიდიული ფაკულტეტის დეკანი თამარ ზარანდია, საქართველოს რეგიონულ მაუწყებელთა ალიანსის დირექტორი ნათია კუპრაშვილი, საქართველოს პროფესიული კავშირების გაერთიანების თავმჯდომარის მოადგილე რაისა ლიპარტელიანი;
• ქალთა საინფორმაციო ცენტრის დირექტორი ელენე რუსეცკაია, საერთო სამოქალაქო მოძარობა მრავალენოვანი საქართველოს თავმჯდომარე არნოლდ სტეფანიანი, საქართველოს მწვანეთა მოძრაობის თავმჯდომარე ნინო ჩხობაძე, არასამთავრობო ორგანიზაცია დემოკრატიის ინდექსის თავმჯდომარე ეკატერინე ციმაკურიძე და აღმოსავლეთ ევროპის ცენტრი — მრავალპარტიული დემოკრატიისთვის აღმასრულებელი დირექტორი.

შემდეგ საკუთარ კანდიდატებს დაასახელებენ პოლიტიკური ჯგუფები, ფრაქციები და პარლამენტის 7-კაციან ჯგუფი. პაპუაშვილის თქმით, მათ დრო 21 ოქტომბრის ჩათვლით ექნებათ.

• “როგორც იცით უნდა დასახელდეს, მინიმუმ, 7 კანდიდატი იმისთვის, რომ გადავიდეთ შემდეგ ეტაპზე;
• “იცით, რომ უმრავლესობის ფრაქციამ განაცხადა, რომ ის დასახელებამდე არანაირად არ მიიღებს მონაწილეობას ამ პროცესში და შემდეგ, უკვე განაცხადებს ამ კანდიდატებიდან ვის ექნება მისი მხარდაჭერა”.