ვინ არიან ოზურგეთში ”ლელოს” კანდიდატები -პარტიამ სიის ათეული და მაჟორიტარობის კანდიდატები წარადგინა

პოლიტიკურმა პარტიამ “ლელო საქართველოსთვის” ოზურგეთში მაჟორიტარობის კანდიდატები და პარტიული სიის პირველი ათეული წარადგინა. შეხვედრაზე იმყოფებოდა პარტიის ერთ-ერთი დავით უსუფაშვილიც. წარდგენაზე საუბარი იყო პარტიის პრიორიტეტებზე, რაც ძირითადად თვითმმართველობის რეალურ გაძლიერებას და მისი ნამდვილი ფუნქციის დაბრუნებას, საზოგადოებასთან მჭიდრო და გამჭვირვალე კომუნიკაციას და სხვა მნიშვნელოვან საკითხებს ეხება.

”ლელოს” პარტიული სია ოზურგეთის მუნიციპალიტეტის საკრებულოსთვის ასე გამოიყურება:

 1. ტოგო ჭელიძე 2. გიორგი ბოლქვაძე 3. ნინო საჯაია 4. ზაზა ჩხარტიშვილი 5. გიზო გრძელიძე 6. ანნა ცეცხლაძე 7. დიმიტრი ცეცხლაძე 8. მერაბ ღლონტი 9. ეთერ გელაშვილი 10. ჯემალ გოგუაძე

მაჟორიტარობის ორი კანდიდატი წარმოადგინა:  ლიხაურის, მაკვანეთის, ჭანიეთის მაჟორიტარობისთვის ტოგო ჭელიძე იბრძოლებს.

ტოგო ჭელიძემ 2001 წელს დაამთავრა ოზურგეთის N2 საჯარო სკოლა, სწვალობდა თბილისის ივანე ჯავახიშვილის სახელობის თბილისის სახელმწიფო უნივერისტეტის იურიდიული ფაკულტეტი, 2009 წელს დაამთავრა ზურაბ ჟვანიას სახელობის საზოგადოებრივ საქმეთა ინსტიტუტი (GIPA) სახელმწიფო მმართველობისა და ადგილობრივი თვითმმართველობის სამაგისტრო პროგრამა. არის იურიდულ და სოციალურ მეცნიერებათა მაგისტრი. სხვადასხვა დროს მუშაობდა ოზურგეთის რაიონულ სასამართლოში, ოზურგეთის მუნიციპალიტეტის საკრებულოში, მასმედიისა და საზოგადოებრივი კომუნიკაციების ინსტიტუტში იყო სახელმწიფოსა და სამართლის თეორიის ლექტორი. 2010 წლიდან არის საქართველოს ადვოკატთა ასოციაციის წევრი – ადვოკატი საერთო სპეციალობით, ჩაბარებული აქვს ნოტარიუსის საკვალიფიკაციო გამოცდები, ასევე პედადგოგის საკვალიფიკაციო გამოცდები. ასევე ირიცხება უკრაინის ადვოკატთა ერთიან რეესტრში.

ჯუმათის, სილაურის, ბაილეთის მაჟორიტარი დეპუტატობის კანდიდატი ზაზა ჩხარტიშვილია.

ზაზა ჩხარტიშვილი დაიბადა ოზურგეთში. განათლება მიიღო სპეციალუზურებულ ტექნიკურ სასწავლებელში კვების მრეწველობის მანქანა-დანადგარების შეკეთება-ექსპლუატაციის სპეციალობით. ამჟამად მუშაობს სოფელი მაკვანეთის საკალმახე მეურნეობის სპეციალისტად.