„ვიდრე სინოდის სხდომა არ ჩატარდება ღია ეთერში, ეკლესიის დისკრედიტაცია არ შეწყდება"

ჭყონდიდის ეპარქიის მიტროპოლიტობიდან გადაყენებული მამა პეტრე წმინდა სინოდის სხდომის პირდაპირ ეთერში ჩატარების ინიციატივით გამოდის.

„ვიდრე სინოდის სხდომა არ ჩატარდება ღია ეთერში და კამერები არ დაიდგმება, ეკლესიის დისკრედიტაცია არ შეწყდება. მომავალი სინოდის სხდომები აუცილებლად ღია ეთერში უნდა გავიდეს“, _ განაცხადა მამა პეტრე ცაავამ “მთავარ არხთან საუბრისას.

პეტრე ცაავა ჭყონდიდის ეპარქიას 17 წლის განმავლობაში ხელმძღვანელობდა.

პატრიარქმა იგი 31 ოქტომბერს გადააყენა და სინანულისთვის შიომღვიმის მონასტერში გაგზავნა, თუმცა, ყოფილი მიტროპოლიტი ამბობს, რომ შიომღვიმეში წასვლას არ აპირებს.