ვიდეო – ჰუმანიტარული დახმარება ლანჩხუთში სტიქიით დაზარალებულ მოსახლეობას

ლანჩხუთის მუნიციპალიტეტის მერმა ალექსანდრე სარიშვილმა სოფელ წიაღობანში სტიქიით დაზარალებული მოქალაქეები მოინახულა და პირადად გაეცნო მათ საჭიროებებს. დაზარალებულებს ადგილობრივი ხელისუფლების წარმომადგენლები საკვებ პროდუქტებს და პირველადი მოხმარების ნივთებს საჭიროებისამებრ სტიქიის ზონაში არსებულ სხვადასხვა სოფლებში აწვდიან. ექვსდღიანი ინტენსიური გაწმენდითი სამუშაოების შედეგად ყველა ადმინისტრაციულ ცენტრთან აღდგენილია როგორც საფეხმავლო, ასევე, საავტომობილო გზა. სოფელ ხორეთში მიმდინარეობს დროებითი გზის მოწყობა. ორივე მუნიციპალიტეტში აღდგენილია ელექტროენერგია, წერტილოვანი შეზღუდვებია ბუნებრივი აირის მიწოდების კუთხით, სადაც ,,სოკარ გაზის“ ჯგუფების მიერ ხორციელდება აღდგენითი სამუშაოები. დღეის მონაცემებით ლანჩხუთისა და ოზურგეთის მუნიციპალიტეტებში სტიქიის შედეგად დაზარალებულ 1200 ოჯახზე მეტს გაეწია ჰუმანიტარული დახმარება.