ვიდეო – ხანძარი ცათამბჯენში სამხრეთ კორეის ქალაქ ულსანში

სამხრეთ კორეის ქალაქ ულსანში ცათამბჯენს ცეცხლი გაუჩნდა, დაშავებულია ასობით ადამიანი. „ბიბისის“ ცნობით, 33-სართულიან საცხოვრებელ შენობაში ხანძრის ჩაქრობას 13 საათის განმავლობაში ცდილობდნენ. ამჟამად ცეცხლი ლოკალიზებულია. სახანძრო სამსახურის ცნობით, ჰოსპიტალიზებულია 80-ზე მეტი ადამიანი.

არსებული ინფორმაციით, ხანძარი გვიან საღამოს მე-8 და მე-12 სართულებს შორის გაჩნდა და სწრაფად მოედო მთელ შენობას. ცათამბჯენიდან ასობით ადამიანის ევაკუაცია განხორციელდა.