უკრაინაში კიდევ ერთი ქართველი მებრძოლი დაიღუპა. 25 წლის ჯამბულათ ხოფერია წარმოშობით ლანჩხუთის მუნიციპალიტეტის სოფელ გვიმბალაურიდან იყო.
გავრცელებული ინფორმაციით, მებრძოლი ქიმიური ნივთიერებით ინტოქსიკაციის შედეგად დაიღუპა.
ხოფერიების სახლში დილიდანვე შეკრებილები იყვნენ მეზობლები და ოჯახის ახლობლები. ხოფერიების ოჯახი საზოგადოებისთვის გმირი მებრძოლებით არის ცნობილი. ეს ოჯახისთვის უკვე მეორე ტრაგედიაა. ჯერ კიდევ აფხაზეთის ომში, საქართველოს ტერიტორიული მთლიანობისთვის ბრძოლაში ჯამბულათ ხოფერიას ბიძა, ისიც ამავე სახელისა და გვარის მატარებელი, ძმისშვილის მსგავსად 25 წლის ასაკში დაიღუპა. ცნობილი მებრძოლია გუშინ გარდაცვლილის მამა, არჩილ ხოფერიაც.
უახლოეს დღეებში გახდება ცნობილი, როდის გახდება შესაძლებელი გმირი მებრძოლის სამშობლოში გადმოსვენება.
კომენტარები
Loading ...