ვიდეო – სავარაუდო სექსუალური ძალადობა უკრაინელ ქალზე – რა მოხდა ლანჩხუთში

სავარაუდო სექსუალური ძალდობის ფაქტი შავიზღვისპირეთის ერთ-ერთ სანაპიროზე. უკრაინის მოქალაქე ახალგაზრდა ქალი ლანჩხუთის კლინიკაში უგონო მდგომარეობაში შეიყვანეს. ექიმების ინფორმაციით, მას სხეულზე ძალადობის კვალი აღენიშნებოდა. კერძოდ ნაკაწრები მუცლის არეში. იყო თუ არა ის სექსუალური ძალდობის მსხვერპლი, ამის შესახებ კლინიკაში არ საუბრობენ. ლანჩხუთის კლინიკის რეანიმაციულ განყოფილებაში ის ერთი დღით იყო მოთავსებული, ამჟამად კი მკურნალობას ბათუმის ერთ-ერთ სპეციალიზებულ კლინიკაში გადის. ინფორმაცია შემზარავი ფაქტის შესახებ ადგილობრივებმა გაავრცელეს. შინაგან საქმეთა სამინისტროს ჯერ არ გაუვრცელებია ოფიციალური ინფორმაცია იმის თაობაზე, დაიწყო თუ არა მოკვლევა და რა მუხლით მიმდინარეობს გამოძიება. სოციალურ ქსელში კი აქტიურად საუბრობენ იმაზე, რომ ახალგაზრდა ქალზე სექსუალურად იძალადეს. ამის შესახებ წერენ ლანჩხუთში მცხოვრები მოქალაქეები.