ვიდეო – რა მოხდა სოფელ ნატანებში, სადაც მამაკაცმა მეზობელ ქალზე იძალადა

გაუპატიურების მცდელობა ოზურგეთის მუნიციპალიტეტის სოფელ ნატანებში. გავრცელებული ინფორმაციით, 40 წლამდე მამაკაცმა მეზობელი ქალის გაუპატიურება სცადა. შემთხვევა ორი კვირის წინ მოხდა. როგორც მეზობლები ყვებიან, მამაკაცმა ქალი მოტყუებით შეიყვანა საკუთარ საცხოვრებელ სახლში, უთხრა, რომ დედა ჰყავდა შეუძლოდ  და დახმარება სჭირდებოდა. ოთახში შესვლის შემდეგ კი მასზე სექსუალური ძალადობა სცადა. გავრცელებული ინფორმაციით, თავის დაცვის დროს მსხვერპლმა ხელებზე დაზიანებები მიიღო. ის უკვე იმყოფებოდა ექსპერტიზაზე. გამოკითხვაზე იმყოფებოდა სავარაუდო მოძალადის დედაც. მამაკაცი ამჟამად მიმალვაშია. შსს-ს ინფორმაციით, საქმე სისხლის სამართლის კოდექსის 19-ე და 137 -ე მუხლებითაა აღძრული.