ვიდეო – ოზურგეთი  ჭიდაობაში, უმცროს ჭაბუკთა შორის საქართველოს პირველობას მასპინძლობს

ოზურგეთში  სტარტი აიღო ჭიდაობაში, უმცროს ჭაბუკთა შორის საქართველოს პირველობამ.  სპორტული ღონისძიება ვახტანგ ბლაგიძის სახელობის სპორტის სასახლეში იმართება. შეჯიბრში მონაწილეობას  მთელი ქვეყნის მასშტაბით აღნიშნული ასაკის (15 წლამდე) მოჭიდავეები მონაწილეობენ. საქართველოს პირველობა დღეს გაიხსნა და ოთხ დღეს გასტანს. 28 – 29 აპრილი ბერძნულ-რომაული ჭიდაობა, 30 აპრილი – 1 მაისი თავისუფალი სტილი, აღნიშნულ ჩემპიონატში გამარჯვებულები ევროპის პირველობაზე საგზურს მიიღებენ. გახსნის ცერემონიას თბილისელი სტუმრები, ჭიდაობის ფედერაციის წარმომადგენლები, ოლიმპიური ჩემპიონი, ვახტანგ ბლაგიძე, ოზურგეთის მუნიციპალიტეტის მერი და საკრებულოს თავმჯდომარე, სხვა ოფიციალურ პირებთან ერთად დაესწრნენ. საქართველოს დროშა წარმატებულმა და სახელოვანმა ოზურგეთელმა სპორტსმენებმა იური ლომაძემ და ლუკა ჯავახაძემ საქართველოს ჰიმნის ფონზე აღმართეს. დღეს ნახევარფინალები, ხვალ კი ფინალები იმართება.