ვიდეო – ოზურგეთის დრამატული თეატრის ექსტერიერი დააზიანეს

ოზურგეთის დრამატული თეატრის ექსტერიერი დააზიანეს. ვიდეოში, მიუხედავად სიბნელისა ჩანს დაზიანებული კედლები. მასალა თეატრის პრესსამსახურის ხელმძღვანელმა, ლია კილაძემ გადაიღო და მოგვაწოდა. ვიდეოს და თეატრის მიერ გავრცელებულ ინფორმაციას, უცვლელად გთავაზობთ.

“ვიდეო გადავიღე სასწრაფოდ, რადგან კომენდანტის საათამდე სახლში უნდა მომესწრო. ამ დროსათვის უკვე დაწყებულია გამოძიება, თეატრის ვიდეოთვალის ჩანაწერების საფუძველზე, რომლითაც მთელი პერიმეტრი კონტროლდება, ამოცნობილი და დადგენილია ორი პიროვნება. ნივთმტკიცებად ამოღებულია საღებავის ბალონები. მიმდინარეობს გამოძიება. თეატრის ხელმძღვანელები ვასო ჩიგოგიძე და ზაზა ჯინჭარაძე დაკითხვაზე იმყოფებიან.”