ქალაქ ოზურგეთში, ლესელიძის ქუჩაზე საგამოძიებო მოქმედებები ამ დრომდე მიმდინარეობს. 38 წლის ქალი, გავრცელებული ინფორმაციით, ყოფილმა ქმარმა მოკლა. ვერსიებზე საუბარი მეზობლებს უჭირთ, თუმცა სავარაუდო ინფორმაციით კონფლიქტი ბავშვის გამო დაიწყო. ქალი, რომელსაც ჭრილობები ცივი იარაღით აქვს მიყენებული, ადგილზე გარდაიცვალა. მკვლელობა დილის საათებში მოხდა. მეზობლებს მომხდარის დეტალებზე საუბარი უჭირთ , მათი თქმით კონფლიქტი ბავშვის გამო დაიწყო. ამბობენ იმასაც, რომ ქალი სამ შვილთან ერთად მათ უბანში სამი თვის წინ გადმოვიდა და ქირით ცხოვრობდა. შესაბამისად, მოკლულს კარგად არ იცნობდნენ. ჩვენი ინფორმაციის თანახმად, მკვლელობაში ეჭვმიტანილი პოლიციას ჩაბარდა. შინაგან საქმეთა სამინისტროს განცხადებით, გამოძიება უკვე დაწყებულია.
კომენტარები
Loading ...