აშშ-ს აღმოსავლეთ სანაპიროს მესამე კატეგორიის შტორმი, ლაურა მიუახლოვდა. ქარიშხალმა ლუიზიანას შტატში წყალდიდობა გამოიწვია. დაზიანდა შენობები და ელექტროგადამცემი ხაზები, რის გამოც ელექტროენერგია ნახევარ მილიონზე მეტ სახლს აღარ მიეწოდება.
ლუიზიანის შტატის სამხრეთ-აღმოსავლეთ ნაწილში, ლეიკ-ჩარლზთან მდებარე ქიმიურ ქარხანაში ხანძარია. შესაბამის ინფორმაციას შტატის გუბერნატორი ჯონ ბელ ედვარდსი ადასტურებს.
გუბერნატორმა საწარმოს მიმდებარედ მცხოვრებლებს მოუწოდა, დარჩნენ სახლებში, დახურონ ფანჯრები, გამორთონ კონდიციონერები და დაელოდონ შემდგომ რეკომენდაციებს.
ამასთან, ლუიზიანის პოლიციის საგანგებო სამსახური აცხადებს, რომ ქიმიურ საწარმოში ქლორინის გაჟონვა მოხდა.
კომენტარები
Loading ...