ვიდეო – ლიხაურში ”ენერგო პრო ჯორჯია” ხეების მოჭრას აგრძელებს

”ოზურგეთის მუნიციპალიტეტში, სოფელ ლიხაურში, სადაც მიმდინარეობს ხემცენარეების მოჭრა და ხშირ შემთხვევაში გადაბელვა გადის მაღალი ძაბვის სადენები. ,,ენერგო პრო ჯორჯიას” ყველა საჭირო უწყებიდან აქვს შესაბამისი ნებართვა სამუშაოების განსახორიცელებლად. ამ ეტაპზე მიმდინარეობს ისეთი ხემცენარეების მოჭრა და გადაბელვა, რომელიც მდებარეობს სადენის დაცვის ზონაში, დაცვის ზონას შესაბმისი დადგენილება განსაზღვრავს. აღნიშნულ სამუშაოებს კონტრქტორი კომპანია ასრულებს.იმისათვის რომ ელ. ენერგიის მიწოდება არ შეფერხდეს, აღნიშნული სამუშაოების განხორციელბა აუცილებელია. ასევე მთავარია ადამიანის სიცოცხლეს არ შეექმნას საფრთხე. აღსანიშნავია, რომ ავარიული გათიშვების 50% უკავშირდება ხემცენარეების მიერ გამოწვეულ დაბრკოლებებს. საჰაერო ხაზების დაცვის ზონებში საერთოდ არ უნდა არსებობდეს ნარგავები. აღნიშნული არის მუდმივი პრობლემა. რაც იწვევს ავარიებს და ქმნის უსაფრთხოების პრობლემას. რაც შეეხება ელ.გადამცემი ხაზის საკუთრების საკითხს, აღნიშნულმა პირმა განცხადებით უკვე მოგვმართა. კომპანია მას პასუხს წერილობით გასცემს. ცნობისთვის, ელ.გადამცემი ხაზი კომპანიის საკუთრებაა, გარკვეულ მონაკვეთზე შესაძლოა საჯარო რეესტრით რეგისტრირებული არ იყოს, თუმცა ეს იმას არ ნიშნავს, რომ კომპანიის საკუთრება არ არის და ექსპლუატაციას არ უწევდეს.” – აცხადებს კომპანია.