ვიდეო – ლანჩხუთის “გურიამ” ხობის “კოლხეთი” დაამარცხა

დღეს ლანჩხუთში ევგრაფი შევარდნაძეს სახელობის სტადიონზე საქართველოს საფეხბურთო ჩემპიონატის ლიგა 3-ის მე-4 ტურის მატჩში  ლანჩხუთის “გურიამ” ხობის “კოლხეთი” ანგარიშით 2- 1 დაამარცხა.

ანგარიში მე-19 წუთზე  ალექსანდრე კოშკაძემ გახსნა და “გურია” დაწინაურდა. მე-40 წუთზე პანალტის ნიშნულიდან ალექსანდრე სულაძემ ორამდე გაზარდა ანგარიში. ტაიმის მიწურულს  “კოლხეთის” ფეხბურთელმა თორნიკე მეტრეველმა პენალტი გაიტანა და ერთი ბურთი გაქვითა.  პირველი ტაიმი “გურიას” სასარგებლოდ, 2 -1 დასრულდა.

მეორე ტაიმი საკმაოდ დაძაბული აღმოჩნდა, თუმცა ანგარიშში ცვლილება არ მომხდარა. საბოლოოდ ლანჩხუთის “გურიამ” ანგარიშით 2- 1 გაიმარჯვა.

“გურია” შემდეგ მატჩს 4 მაისს  სტუმრად, ტყიბულში ჩავა და  “მეშახტეს” შეხვდება.