ინდონეზიაში, აღმოსავლეთ ჰალმაჰერას კუნძულზე მდებარე ვულკანი “იბუ” ამოიფრქვა. ამის შესახებ ინფორმაციას Reuters ინდონეზიის საგანგებო სიტუაციების მართვის სააგენტოზე დაყრდნობით ავრცელებს.
ამოფრქვევის შედეგად ადგილობრივი ხელისუფლება იძულებული გახდა, 3 000-მდე მცხოვრები უსაფრთხო ადგილას გადაეყვანა.
ამოფრქვევის შედეგად ცაში 4 კილომეტრის სიმაღლეზე ფერფლის სქელი ღრუბელი აიჭრა, რამაც რეგიონში განგაშის უმაღლესი დონის გამოცხადება გამოიწვია.
კატასტროფების მართვის სააგენტოს განცხადებით, ევაკუაციის პროცესი ოთხშაბათ ღამით დაიწყო. ვულკანის მიმდებარე ტერიტორიაზე დაახლოებით 13 000 ადამიანი ცხოვრობს, თუმცა ამ ეტაპზე ევაკუაცია მხოლოდ ყველაზე მაღალი რისკის ზონებში განხორციელდა.
კომენტარები
Loading ...