“სამარცხვინო ფასია, მრცხვენია გლეხს ფასს რომ ვეუბნები” – მოსახლეობა თხილის წლევანდელი ფასით უკმაყოფილოა

თხილის ფასი ოზურგეთში შარშანდელთნ შედარებით დაბალია. თითქმის ყველა მიმღები პუნქტი ცარიელია. მოქალაქეები თხილის ფასის ზრდას ელიან. მაგრამ თხილის რეალიზატორების ვარაუდით, თხილის ფასი წელს აღარ გაიზრდება. პრობლემაა თხილის ხარისხიც. უხარისხო და გამხმარი თხილი მოქალაქეებს უკან უბრუნდებათ, რადგან მათ მიღებას თხილის რეალიზატორები ვერ ახერხებენ. თხილის ფასის ფორმირება ნაყოფის გულის მიხედვით გამოთვლილი პროცენტით ხდება. თუ შიგთავსი ჯანსაღია, მაშინ მისი ფასი 50 თეთრია. თუმცა როგორც მიმღებ პუნქტებში ამბობენ, შემოტანილი პროდუქციის თითქმის ნახევარი უხარისხოა.

მოსახლეობისთვის შექმნილი სიტუაცია საკმაოდ მძიმეა. მოქალაქეების თქმით, მოსავლიანობის შემცირება წვიმიანმა ამინდებმა გამოიწვია. ცალკე პრობლემაა თხილის დაბალი ღირებულებაც. სურსათის ფასების ზრდის ფონზე თხილის ფასის განახევრება ვითარებას კიდევ უფრო ართულებს. მათ, ვინც ვერ შეძლო თხილის სათანადოდ მოვლა-შეწამვლა, პროდუქციის 2,60- 2.80-თეთრად ჩაბარება უწევს, ხოლო ხარისხიანი თხილის ფასი 3,20 თეთრამდეა. „როგორც სხვა რეგიონებს აძლევენ კომპენსაციას უხარისხო მოსავალზე, ასევე მოგვხედონ ჩვენ“ – აცხადებს ზემო ნატანების მკვიდრი, მისი თქმით წელს მისი თხილის ბაღი სრულად გახმა. (მოქალაქეების სინქრონები) ადგილობრივები მთავრობისგან დახმარებას ითხოვენ, რაც ძირითადად რჩევას თხილის ბაღის სწორად მოვლასა და შეწამვლაში მდგომარეობს. შეძლებს თუ არა ხელისუფლება ამ მიმართულებით ფერმერების დახმარებას და გაიზრდება თუ არა მომდევნო წელს თხილის ხარისხი და ფასი, ამას მომავალი გვიჩვენებს.