ვიდეო – ახალგაზრდა მამაკაცი ოზურგეთში კორპუსიდან გადმოხტომას ცდილობდა

გუშინ სამ საათზე მეტი ხნის განმავლობაში სამართალდამცველებს ოზურგეთის ცენტრალური მოედანი და მისი მიმდებარე ტერიტორია გადაკეტილი ჰქონდათ. შექმნილი ვითარების მიზეზი ახალგაზრდა მამაკაცი გახლდათ, რომელიც მრავალსართულიანი კორპუსის სახურავზე იმყოფებოდა და სავარაუდოდ, გადმოხტომას ცდილობდა. მამაკაცს კონკრეტული მოთხოვნები არ ჰქონია, მასთან მოლაპარაკებას ოჯახის წევრები და სამართალდამცველები აწარმოებდნენ. რამდენიმე საათიანი ოპერაციის შემდეგ მაშველებმა მამაკაცის უსაფრთხო ადგილზე გადმოყვანა შეძლეს.