ვიდეო – აქცია ჩოხატაური-ოზურგეთის საავტომობილო გზაზე – რას ითხოვს მოსახლეობა

ოზურგეთი-ჩოხატაურის დამაკავშირებელ საავტომობილო გზა მოსახლეობამ გადაკეტა და გზის რეაბილიტაცია კიდევ ერთხელ მოითხოვა. აღნიშნული გზის მშენებლობა აგვისტოს თვიდან მიმდინარეობს, თუმცა ამ დრომდე არ დასრულებულა. როგორც მოსახლეობა ამბობს, ამ გზით სარგებლობა უკვე შეუძლებელია და დაუმთავრებელი სამუშაოების გამო უამრავი პრობლემა ექმნებათ. ადგილზე იმყოფებოდა ოპოზიციაც. “ნაციონალური მოძრაობის” წევრებმა განცხადებები გააკეთეს, გზის მშენებელ ჩინურ კომპანიასთან “china road and bridge corporation”შეხვედრა მოითხოვეს და ხელისუფლებას სწრაფი რეაგირებისკენ მოუწოდეს. მათი თქმით, ხსენებული პროექტის განხორციელებაში შეიმჩნევა კორუფციის აშკარა ნიშნებიც.

აქციაზე ნაციონალური მოძრაობის წევრები ბესო ქათამაძე და შალვა თავდიშვილი სამართალდამცავებმა დააკავეს. შეხლა-შემოხლა მას შემდეგ დაიწყო, რაც მოსახლეობამ და ოპოზიციამ გზის გადაკეთვა სცადა, რისი საშუალებაც მათ პოლიციამ არ მისცა. შეხლა-შემოხლის დროს პოლიციელბმა ჯერ შალვა თავდიშვილი აიყვანეს, ხოლო შემდეგ მისი გამოსარჩლების დროს წარმოქმნილი დაპირისპირებისას ნასაკირალის დეპუტატი, ბესო ქათამაძე დააკავეს.