"ვიდეოთვალი მე არ დამიზიანებია, ის განზრახ შეცვალეს" – ელგუჯა ბაგრატიონი

დღეს ოზურგეთის სასამართლოში აჭარის უმაღლესი საბჭოს დეპუტატის “ერთიანი ნაციონალური მოძრაობიდან” ელგუჯა ბაგრატიონის სასამართლო პროცესი იმართება. ბაგრატიონს ბიძინა ივანიშვილი, წინა წლის ივნისის თვეში, შეკვეთილში მიმდინარე საპროტესტო აქციების დროს, მის საკუთრებაში არსებული ვიდეო კამერის დაზიანებას ედავება. ბაგრატიონის განცხადებით, სასამართლომ წინა ჯერზე დაცვის მხარის მტკიცებულებები არ მიიღო და ამჯერადაც მტკიცებულებების დასაშვებობაზე უნდა იმსჯელოს. ბაგრატიონმა აღნიშნული მტკიცებულებები მედიასაც გადასცა. “თუ სასამართლო ჩვენს მიერ წარმოდგენილ მტკიცებულებებს კვლავაც არ გაითვალისწინებს, კიდევ უფრო ნათელი გახდება თუ როგორ უჭირავს ხელში ივანიშვილს მთელი სასამართლო სისტემა. მე ვიბრძვი იმისთვის, რომ ოქტომბერში ივანიშვილის რეჟიმი ერთხელ და სამუდამოდ დასრულდეს” – განაცხადა ელგუჯა ბაგრატიონმა.