ცნობილი სერბი ვეტერანი ფეხბურთელი და მწვრთნელი სინიშა მიხაილოვიჩი გარდაიცვალა. 53 წლის სპეციალისტს 2019 წლიდან ლეიკემია აწუხებდა. ამ ავადმყოფობით გამოწვეული მძიმე მდგომარეობის გამო საავადმყოფოში მოათავსეს. მიხაილოვიჩის მდგომარეობა 10 დღის წინ მკვეთრად გაუარესდა და რომში გადაიყვანეს, სადაც კლინიკაში გარდაიცვალა.
სინიშა მიხაილოვიჩი 1969 წლის 20 თებერვალს, ხორვატიაში, ვუკოვარში დაიბადა. მამით სერბმა და დედით ხორვატმა ფეხბურთელმა კარიერა მარცხენა გარემარბად დაიწყო, იტალიაში დაცვაში გადაიყვანეს და კარიერის ბოლომდე ამ პოზიციაზე ითამაშა. იუგოსლავიის ნაკრებში მიხაილოვიჩმა 63 თამაში ჩაატარა და 10 გოლი გაიტანა. ითამაშა 1998 წლის მსოფლიოსა და 2000 წლის ევროპის ჩემპიონატზე.
სინიშამ კარიერის უმეტესი ნაწილი იტალიაში გაატარა, სადაც თამაშობდა „რომაში“, „სამპდორიაში“, „ლაციოსა“ და „ინტერში“. ორჯერ გახდა იტალიის ჩემპიონი, სამჯერ მოიგო იტალიის თასი და სუპერთასი. რომაული კლუბის შემადგენლობაში ის გახდა თასების მფლობელთა თასის მფლობელი. ეროვნულ ნაკრებში (იუგოსლავიის ჩათვლით) 63 მატჩი ჩაატარა და 9 გოლი გაიტანა.
Loading ...