“ვესაუბრე ხვიჩას და მითხრა, რომ კლუბის დატოვება იანვარშივე სურს” – ანტონიო კონტე

„ნაპოლის“ მთავარმა მწვრთნელმა, ანტონიო კონტემ „ვერონასთან“ სერია A-ს მე-20 ტურის მატჩამდე პრესკონფერენცია გამართა და ოფიციალურად დაადასტურა, რომ ხვიჩა კვარაცხელიას კლუბის დატოვება სურს.

„ვითარება კვარასთან დაკავშირებით ასეთია – ჩვენ ვსაუბრობთ ძალიან მნიშვნელოვან მოთამაშეზე. გასულ ზაფხულს პრეზიდენტს ვთხოვე, ზუსტად მცოდნოდა, ვინ რჩებოდა გუნდში. მოვითხოვე რამდენიმე ფეხბურთელის დატოვება, რომელთა შორის, რა თქმა უნდა, კვარაცხელიაც იყო.

ხვიჩამ ჯერ კიდევ გასულ ზაფხულს ითხოვა გაყიდვა და ახლაც იგივე სურვილი გამოთქვა. მე მას პირადად ვესაუბრე, მანაც დამიდასტურა – წასვლა სურს. ძალიან იმედგაცრუებული ვარ. კვარას არ სურს კონტრაქტის განახლება. იქნებ არც მე ვიყავი საკმარისად დამაჯერებელი, რათა მხარეების შეთანხმებაში მიმეღო მონაწილეობა, მაგრამ ჯაჭვებით ვერ დავაკავებ მათ, ვისაც დარჩენა არ უნდა.

6 თვის განმავლობაში ვცდილობდი მისი გადარწმუნებას და ახლა მივხვდი, რომ ეს იყო მეხის გასროლა მოწმენდილ ცაზე. ხვიჩა „ვერონასთან“ ვერ ითამაშებს. აშკარაა, რომ ძალიან მნიშვნელოვან მოთამაშეს ვკარგავთ.

ვნახოთ, რა მოხდება უახლოეს დღეებში. ახლა ყველაფერი კლუბისა და ფეხბურთელის გარემოცვის გადასაწყვეტია. კვარას ჯაჭვით ვერ შევაჩერებ. დარჩენას არავის ვაიძულებ. ეს არის ვითარება, რომელიც კლუბმა და ფეხბურთელის გარემოცვამ უნდა მოაგვარონ. მე კვარაცხელიას თავისუფალი ნება დავუტოვე“, – განაცხადა კონტემ.

ხვიჩა კვარაცხელია „ნაპოლის“ 2022 წელს შეუერთდა. გუნდის მაისურით ჩატარებულ 107 შეხვედრაში მან 30 გოლი გაიტანა და 24 საგოლე გადაცემა შეასრულა.