CBS News წყაროებზე დაყრდნობით წერს, რომ აშშ-ის პრეზიდენტმა დონალდ ტრამპმა ვენესუელაზე იერიშის მიტანის ნებართვა რამდენიმე დღით ადრე გასცა.
სამხედრო ოფიციალურმა პირებმა განიხილეს მისიის განხორციელება შობის დღეს, მაგრამ უპირატესობა ISIS-ის სამიზნეებზე ნიგერიაში განხორციელებულმა აშშ-ის საჰაერო დარტყმებმა მიიღო, აღნიშნეს წყაროებმა.
თავის მხრივ, ცნობილია, რომ ვენესუელას პრეზიდენტმა, ნიკოლას მადურომ ქვეყანაში საგანგებო მდგომარეობა გამოაცხადა.
დღეს დილით გავრცელებულ განცხადებაში ვენესუელის მთავრობამ აღნიშნა, რომ ის „გმობს და საერთაშორისო თანამეგობრობის წინაშე ამხელს აშშ-ის მთავრობის მხრიდან განხორციელებულ უმძიმეს სამხედრო აგრესიას“.
ვენესუელის მხარის განცხადებით, დარტყმების სამიზნე გახდა სამოქალაქო და სამხედრო ობიექტები ქალაქ კარაკასში, ასევე მირანდას, არაგუასა და ლა-გუაირას შტატებში.
მთავრობამ პირობა დადო, რომ დაიცავს თავს ამ აშკარა თავდასხმებისგან და აშშ რეჟიმის შეცვლის მცდელობაში დაადანაშაულა.
„მთელი ქვეყანა უნდა გააქტიურდეს ამ იმპერიალისტური აგრესიის დასამარცხებლად“, — ნათქვამია მთავრობის განცხადებაში, რომელსაც ასევე თან ახლავს მოთხოვნა გაეროს უშიშროების საბჭოს დაუყოვნებლივი სხდომის მოწვევის შესახებ.
Loading ...