ვახტანგ გომელაური მეუფე იაკობის განცხადებასთან დაკავშირებით: არ შემდგარა ასეთი შეხვედრა, უდიდეს პატივს ვცემ უწმინდესს, არა მარტო მე, მთელი ჩვენი გუნდი

„მე ძალიან მოკლედ გეტყვით ჩემს პასუხს ამ კითხვაზე. უდიდეს პატივს ვცემ უწმინდესს, არა მარტო მე, მთელი ჩვენი გუნდი და მე ვფიქრობ, მთელი საქართველო. ეს თემა, საერთოდ ვერ წარმომიდგენია, რომ ვინმემ განიხილოს.
ჩემზე არ ვამბობ, საერთოდ ვინმემ, რომ განიხილოს ეს თემა – პატრიარქის გადაყენება-არ გადაყენება. 
არ შემდგარა ასეთი შეხვედრა, ასეთ შეხვედრაზე არ ვყოფილვარ მე. არ ვიცი, არ ვყოფილვარ. გამოძიებაზე კომენტარი გააკეთა პროკურორმა და თქვა, რომ არ აპირებს გამოძიების დაწყებას. პროკურატურას უფრო მეტი ლეგიტიმაცია აქვს და ის აფასებს დანაშაული არის თუ არ არის. შინაგან საქმეთა სამინისტრო რომ იწყებს გამოძიებას, ის უთანხმებს პროკურატურას, ანუ ზედამხედველია. 
პროკურორმა თქვა და განცხადება გააკეთა. მისი საუბრიდან, თუ დანაშაული გამოვლინდება, პროკურორი გადაწყვეტს დაიწყოს თუ არა გამოძიება,” – განაცხადა ვახტანგ გომელაურმა.