ვაშლის ღვეზელის გამოცდილი რეცეპტი ზიზი ბერაიასგან

შემოდგომა ფუმფულა ვაშლის ღვეზელის და გემრიელი ჩაის სეზონია. გარდა ჩვენთვის ნაცნობი რეცეპტისა, არსებობს სხვა რეცეპტები, რომლის მეშვეობითაც ნამდვილ საშემოდგომო ვაშლის ღვეზელს გამოაცხობთ და საყვარელ ადამიანებს ასიამოვნებთ,

მასალა: კვერცხი-3ცალი

შაქარი-200გრ.

ვაშლის ჯემი,

ვანილი,

ზეთი-5 ს/კ,

სოდა-1 ჩ/კ,

მაწონი-300მლ,

ფქვილი-300გრ,

მოხარშული შედედებული რძე, ე.წ. ”სგუშონი”  -1 ქილა. 

მომზადება: კვერცხი, ვანილი და შაქარი ავთქვიფოთ მყარ მასის მიღებამდე, დავამატოთ მაწონი სოდით, ზეთი და გაცრილი ფქვილი. დავასხათ პერგამენტიან ფორმაზე და ზემოდან მოვასხათ ვაშლის ჯემი.

შევდგათ 180 გრადუსამდე გახურებულ ღუმელში გამოშრობამდე.

მზა ღვეზელი შევაგრილოთ და გავყოთ ორ ნაწილად. ვაშლის ჯემის ზედაპირიან ნაწილს წაუსვათ ე.წ. ”მოხარშული სგუშონის” ნახევარი და დავაფაროთ ღვეზელის მეორე ნაწილი, ისე რომ ჯემიანი ფენა მოექცეს შუაში. ზემოდანაც წავუსვათ მორჩენილი ”სგუშონი” და მოვრთოთ სურვილისამებრ.

”მარტივი ღვეზელი კი არის მაგრამ დამიჯერეთ ძალიან გემრიელია. გისურვებთ წარმატებებს!” – დასძენს რეცეპტის ავტორი: ზიზი ბერაია