ვაშინგტონში შეიარაღებული თავდასხმა მოხდა

1 ადამიანი დაიღუპა და 8 დაიჭრა სროლის შედეგად ვაშინგტონში. პოლიციის ინფორმაციით, ქალაქის ერთ-ერთ ხალხმრავალ, სპრინგ როუდის ქუჩასთან ადამიანების ჯგუფს ცეცხლი გაუხსნა პისტოლეტებით შეიარაღებულმა სამმა მამაკაცმა. მათ დანაშაულის ადგილიდან გაქცევა შეძლეს. ეჭვმიტანილებს ეძებენ. პოლიცია მომხდარს მიზანმიმართულ თავდასხმად აფასებს. CNN-ის ინფორმაციით, ორი დაჭრილის მდგომარეობა მძიმეა.